ҚР Сыртқы істер министрлігінде Семипалатинск аймақтарға көмек көрсету нәтижелерін және 2010-2015 жылдарғы даму басымдықтарын талқылау жөнінде «дөңгелек стол» болып ө

17 тамыз 2010 ж, АСТАНА - ҚР Сыртқы істер министрлігінде Семипалатинск аймақтарға көмек көрсету нәтижелерін және 2010-2015 жылдарғы даму басымдықтарын талқылау жөнінде «дөңгелек стол» болып өтті. Бұл іс-шара 2010 жылғы 26 тамызда өтетін және БҰҰ Бас Ассамблеясының 29 тамызды Ядролық сынаққа қарсы іс-әрекет күні деп атап өту туралы қарар қабылдауының алғашқы бір жылдығына арналатын Халықаралық конференцияның алдында ұйымдастырылып отыр.

Аймаққа көмек көрсету жөніндегі негізгі мәселелерді талқылау барысында Семей ядролық полигонын оңалту жөніндегі ұлттық және халықаралық бағдарламалардың қорытындылары шығарылды. «Дөңгелек столдың» жұмысы» мынадай үш негізгі мәселені қозғады: медициналық-әлеуметтік оңалтуды, экономикалық даму және радиоэкология» деп хабарланады таратылған ақпаратта.

Оны ҚР Сыртқы істер министрлігі мен Қазақстандағы БҰҰ өкілдігімен бірлесе отырып ұйымдастырды. Сондай-ақ мәжіліс жұмысына мемлекеттік және жергілікті өкімет органдарының (ШҚО, Павлодар, Қарағанды облстары), азаматтық қоғам институттарының, халықаралық ұйымдардың өкілдері және дипломатиялық корпустың өкілдері қатысты.