Кызметтері

Қазақстандағы БҰҰДБ жобалар мен бағдарламаларды жүзеге асыру барысында ұлттық серіктеріне, сонымен қатар агенттіктерге, қорларға, БҰҰ-ның бағдарламалары мен жобаларына кең көлемдегі қызмет түрлерін көрсетеді. Бұндай қызмет түрлеріне қаржылық басқару, сатып алу, еңбек ресурстарын басқару, әкімшілік жұмыс пен қызмет салаларында қызмет көрсету жатады және олар БҰҰДБ-ның саясаты мен шараларына сәйкес жүргізіледі.

Жобаларды жүзеге асыру барысындағы серіктерге қызмет көрсету мәселелері БҰҰДБ мен ұлттық орындаушы серіктес қол қоятын жобалық құжатта келісіліп, анықталады. Қазақстандағы өкілеттілігі бар немесе жоқ, БҰҰ-ның басқа ұйымдарына (бұдан әрі – «БҰҰ-ның агенттіктері») қызметтер олардың сұранымына байланысты көрсетіледі.

Бұдан әрі БҰҰДБ кеңсесі көрсететін қызметтер мен әр қызмет түрі туралы толық ақпарат берілген. БҰҰ-ның агенттіктерінің қызмет көрсетуге арналған өтінімдерін жедел түрде өңдеу үшін агенттіктерді өз өтінімдерін уақытында (әрбір қызмет түрі үшін өтінімді өңдеуге қажетті уақыт көрсетіледі) жіберуін, толық ақпарат пен БҰҰДБ-ның қызметкерлеріне нақты нұсқауларын көрсетуін сұрайды. Сонымен қатар БҰҰ-ның агенттіктерін қызмет көрсету сұрақтары бойынша қарым-қатынасты жақсарту мақсатында агенттіктен жауапты тұлғаны тағайындауын сұрайды.

Қызмет көрсетуге арналған өтінім үлгісін (төлем жүргізуге рұқсат) қызмет көрсетудің әрбір сұранымы үшін сұралып тұрған қызметтер бойынша нұсқауды, агенттіктің нөмірі ULO/шоттың коды немесе шоттың жоспарын (COA) көрсету маңызды, бұндай өтінімге агенттіктің өкілетті лауазымды тұлғасы қол қояды. Біздің қызметкерлеріміз өтінім болмаған жағдайда ешқандай іс-әрекеттер жүргізе алмайды.

БҰҰДБ-ның елдік кеңсесі көрсететін қызметтерінің бағасы, Ғаламдық және жергілікті әмбебап баға көрсеткішіне (UPL) сәйкес есептеледі. UPL тізіміне кірмеген БҰҰДБ-ның қызметкерлерінің қызметінің бағасы олардың нақты шығындарының негізінде есептеледі.